旺角龍記結業前生意升

58,001

適中字型 較大字型

■龍哥（左）三兄弟經營的龍記麵家下周一結業，會把碗碟舊照送給客人紀念。王子俊攝

【記者蔡朗清報道】經營兩代老店的「大隻佬」龍記麵家，見證香港起落興衰半世紀，下周一（29日）終畫上句號。結業消息傳來，街坊、藝人等熟客紛至，生意額暴升兩、三倍，日售千碗麵食。

■藝人鍾嘉欣（右）獲悉龍記結業，特意來撐場，並與義芳合照留念。

最後一日送碗碟舊照

63歲人稱龍哥的龍記麵家老闆賴達芳表示，越接近結業的日子，越捨不得街坊濃情，「好多熟客都叫我繼續做，狄龍大哥一嚟到大大聲叫唔好執，我試過幾次閃出再做念頭」。龍哥說，但想起老伴跟他捱足一世，係時候退下來，讓妻子安享晚年，「第一代人走晒，仔女又大晒，無牽無掛唔再做啦」。
龍哥說，結業消息傳出後，食客擠爆小店，從巷口排出街外。他說，不少藝人也來捧場合照，如林子善、黃子華、鍾嘉欣、狄龍等。龍哥表示，下周一結業當日，不會舉行惜別會，但會把店內數十年歷史的碗碟舊照等，留給客人作紀念。但老街坊李小姐表示會替龍哥擧行小派對，送別龍記：「好唔捨得，打後都唔知去邊度搵麵食。」
跟大哥做足31年、盡得真傳的十弟義芳說，休息一個月後，會考慮另起爐灶，「休息一陣再搵班底做麵家，但唔會叫龍記」。鐵漢柔情，龍哥說，結業後打算「同太太坐郵輪展開人生下半場嘅『浪漫之旅』」。

倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24 

上一則

現代學生指老師教路　
「可以上網copy」